சூப்பர் சமையல்.................

ஸ்டீம் பனீர் டிலைட்

தேவையான பொருள்கள்:

மைதா மாவு - 1 கப்,

உப்பு - தேவையான அளவு,

பேக்கிங் பவுடர் - 1/2 டீஸ்பூன்,

பூரணம் செய்ய:

துருவிய பனீர் - 1/2 கப்,

வெங்காயம் - 2,

பூண்டு - 5-6

துருவிய கோஸ் - 1/2 கப்,

சீரகத் தூள் - 1 டீஸ்பூன்,

மிளகுத் தூள் - 2 டீஸ்பூன்,

சிவப்பு மிளகாய் (அரைத்த விழுது) - 1/2 கப்,

சோயா சாஸ் - 2-3 டீஸ்பூன்,

வினிகர் - 1 டீஸ்பூன்,

உப்பு - தேவையான அளவு

செய்முறை:

மாவு தயாரிக்க:

* ஒரு அகலமான பாத்திரத்தில் மைதா மாவு, உப்பு, பேக்கிங் பவுடர் சேர்த்து, தேவையான அளவு தண்ணீர் விட்டு, சப்பாத்தி மாவு பதத்திற்குப் பிசைந்து தனியாக வைக்கவும்.

பூரணம் தயாரிக்க:

* ஒரு வாணலியில் எண்ணெய் சேர்த்து, சூடானதும் வெங்காயம், பூண்டு சேர்த்து நன்றாக வதக்கவும்.

* துருவிய கோஸ் சேர்த்து, வதங்கியவுடன், சீரகத் தூள், மிளகுத் தூள், மிளகாய் விழுது, உப்பு சேர்த்து நன்றாகக் கலக்கவும்.

* பின்பு, பனீர், சோயா சாஸ், வினிகர் சேர்த்துக் கலக்கி இறக்கவும்.

ஸ்டீம் பனீர் டிலைட் தயாரிக்க:

* மாவை சிறு சிறு உருண்டைகளாக உருட்டி, மிகவும் மெல்லிய சப்பாத்திகளாக இட்டு இரண்டு/மூன்று டீஸ்பூன் பூரணத்தை உள்ளே வைத்து, ‘பை’ போல் மூடவும்.

* பூரணம் வைத்த ‘பை’களை, இட்லித் தட்டில் அடுக்கி, 10 நிமிடம் வேக வைத்து எடுக்கவும்.

* சூடான ஸ்டீம்ட் பனீர் டிலைட்’ ஐ, சாஸுடன் பரிமாறவும்.

சன்னா பாஸ்தா சூப்

தேவையான பொருள்கள்: பாஸ்தா - 1/2 கப், வேகவைத்த வெள்ளை கொண்டைக்கடலை - 1/2 கப், வெஜிடபிள் ஸ்டாக் - 1 கப் (கேரட், பீன்ஸ், கோஸ், பீட்ரூட் வேகவைத்து வடிகட்டிய தண்ணீர்), ஸ்பிரிங் ஆனியன் (வெங்காயத் தாள்) - 1/2 கப், இஞ்சி, பூண்டு (பொடியாக நறுக்கியது) - 1/4 கப், ஆலிவ் எண்ணெய் - 2 டீஸ்பூன், சில்லி சாஸ், தக்காளி சாஸ் - தேவையான அளவு, உப்பு - தேவையான அளவு

செய்முறை:

* நான்-ஸ்டிக் பிரஷர் பான்-இல் ஆலிவ் எண்ணெய் சேர்த்து, பொடியாக நறுக்கிய இஞ்சி, பூண்டு, வெங்காயம் சேர்த்து, பொன்னிறம் வரும் வரை வதக்கவும்.

* நன்கு வதங்கியவுடன், வெஜிடபிள் ஸ்டாக், பாஸ்தா சேர்க்கவும்.

* பின்பு, உப்பு, மிளகுத்தூள், தக்காளி சாஸ், சில்லி சாஸ், வெள்ளைக் கொண்டைக்கடலைச் சேர்த்து, நன்றாகக் கொதிக்க விடவும்.

* சாஸ் மற்றும் வினிகருடன் பரிமாறவும்.

மாதுளை புதினா பச்சடி

தேவையான பொருள்கள்: மாதுளை முத்துகள் - 1/2 கப், துருவிய வெள்ளரிக்காய், காரட் - 1/2 கப், தேன் - 2 டீஸ்பூன், கறுப்பு மிளகுத் தூள் - 2 டீஸ்பூன், புதினா சட்னி - 1-2 டீஸ்பூன், உப்பு - தேவையான அளவு, புளிக்காத தயிர் - 1 கப்

செய்முறை: ஒரு பெரிய பாத்திரத்தில் தயிர் இட்டு, நன்றாகக் கலக்கவும். துருவிய வெள்ளரிக்காய், காரட், தேன், கறுப்பு மிளகுத் தூள், உப்பு சேர்த்து நன்றாகக் கலக்கவும். பின்பு மாதுளை முத்துக்களைச் சேர்க்கவும்.

புதினா சட்னி சேர்த்து குளிர்ச்சியாகப் பரிமாறவும்.

மஷ்ரூம் கோலா புலாவ்

தேவையான பொருள்கள்: (மஷ்ரூம் கோலாவுக்கு), மஷ்ரூம் - 10, பொடித்த பொட்டுக்கடலை - 1/2 கப், இஞ்சி - சிறு துண்டு, பூண்டு - 5 பல், இலவங்கம் -1, பட்டை- தலா 1 , பெருஞ்சீரகம் - 1/2 டீஸ்பூன், எலுமிச்சைச் சாறு - 1/4 கப், மிளகுத் தூள் - 2 டீஸ்பூன், வெண்ணெய்-100 கிராம், காய்ந்த மிளகாய், பச்சை மிளகாய் - தலா 2, பொடியாக நறுக்கிய கொத்துமல்லித் தழை - 1/2 கப், உப்பு - தேவையான அளவு

புலாவுக்கு:

பாசுமதி அரிசி - 2 கப், தேங்காய்ப் பால் - 2 கப், வெங்காயம் - 4, தக்காளி - 3, இஞ்சி, பூண்டு விழுது - 2 டீஸ்பூன், பச்சை மிளகாய் - 4-5 (நீளமாக நறுக்கியது), புதினா - 1/4 கப்( பொடியாக நறுக்கியது), பட்டை, இலவங்கம், ஏலக்காய் - 1 (சிறியது), நெய் - 2 டீஸ்பூன், மஞ்சள் தூள் - 1/2 டீஸ்பூன், எண்ணெய், உப்பு - தேவையான அளவு

மஷ்ரூம் கோலா செய்முறை:

* மஷ்ரூமை நன்கு கழுவி, எலுமிச்சைச் சாறு, உப்பு, மிளகுத் தூள் சேர்த்து 10 நிமிடம் ஊறவிடவும். தண்ணீரை நன்கு வடித்துவிட்டு, வெண்ணெயில் வதக்கவும்.

* பொட்டுக்கடலையை நைசாகப் பொடிக்கவும்.

* வதங்கிய மஷ்ரூமுடன், இஞ்சி, பூண்டு, பச்சை மிளகாய், காய்ந்த மிளகாய், தேங்காய்த் துருவல், பட்டை, இலவங்கம், பெருஞ்சீரகம், கொத்துமல்லி, உப்பு சேர்த்து நன்றாக அரைக்கவும்.

* அரைத்த கலவையில், பொட்டுக் கடலை மாவைச் சேர்த்து, நன்கு பிசைந்து, நெல்லிக்காய் அளவு உருண்டைகளாக உருட்டி பொன்னிறமாகப் பொரித்தெடுக்கவும்.

புலாவ் செய்முறை:

* பாசுமதி அரிசியை நன்கு கழுவி, தேங்காய்ப் பாலுடன் ஒரு கப் நீர் சேர்த்து ஊறவைக்கவும்.

* ஒரு பிரஷர் குக்கரில், நெய்+எண்ணெய், பட்டை, இலவங்கம், ஏலக்காய் சேர்த்து தாளித்து, வெங்காயம், இஞ்சி- பூண்டு விழுது, பச்சை மிளகாய் சேர்த்து நிறம் மாறும் வரை வதக்கவும்.

* பிறகு தக்காளி, புதினா, மல்லித்தழை, மஞ்சள் தூள் சேர்த்து, ஊறிய அரிசியைப் பாலுடன் அதில் போட்டு, உப்பு சேர்த்து, நன்றாகக் கலக்கி, மூடி, ஒரு விசில் வந்ததும் 2 நிமிடங்கள் கழித்து இறக்கவும்.

‘மஷ்ரூம் கோலா புலாவ்’ பரிமாற:

‘புலாவ்’வுடன், மஷ்ரூம் கோலா உருண்டைகளைச் சேர்த்து, சாதம் உடையாமல் கிளறிச் சூடாகப் பரிமாறவும்.

சுவையான ‘மஷ்ரூம் கோஃப்தா புலாவ்’ விருந்துக்கு ரெடி!

கோபி பட்டர் கறி

தேவையான பொருள்கள்: காலிஃபிளவர் - 1 (சிறு பூக்களாக நறுக்கவும்), வெங்காயம் - 2 (பொடியாக நறுக்கியது), இஞ்சி, பூண்டு விழுது - 4 டீஸ்பூன் (2+2), மைதா மாவு - 1/2 கப், சோள மாவு - 1/2 கப், முந்திரி - 15, பால் - 1/2 கப், மிளகாய்த் தூள் - 3-4 டீஸ்பூன், பச்சை மிளகாய் - 2-3 (பொடியாக நறுக்கியது), தக்காளி விழுது - 1 கப், வெண்ணெய் - 1/2 கப், உப்பு, எண்ணெய் - தேவையான அளவு

செய்முறை:

* ஒரு பாத்திரத்தில் மைதா மாவு, சோள மாவு, இஞ்சி - பூண்டு விழுது, மிளகாய்த் தூள், உப்பு, தண்ணீர் விட்டு, இட்லி மாவு பதத்திற்குக் கலக்கவும்.

* காலிஃபிளவரை அதனுடன் சேர்த்து கலக்கி, ஒரு மணி நேரம் ஊறவிடவும். பின்பு, காய்ந்த எண்ணெயில் பொன்னிறமாகப் பொரிக்கவும்.

* முந்திரியை, பாலில் அரை மணி முதல் 1 மணி நேரம் ஊறவிட்டு, தனியாக அரைக்கவும். பாலைத் தனியாக எடுத்து வைக்கவும்.

* ஒரு வாணலியில் வெண்ணெய் சேர்த்து, சூடானதும் வெங்காயம், பச்சை மிளகாய், இஞ்சி-பூண்டு விழுது சேர்த்து வதக்கவும்.

* நன்கு வதங்கிய பின், தக்காளி விழுது, பொரித்த காலிஃபிளவர் சேர்க்கவும்.

* பின்பு, அரைத்த முந்திரி விழுது, பால் சேர்த்து, தேவையான அளவு உப்புப் போட்டு மூடிவிடவும்.

* நன்றாகக் கெட்டியானதும், வெண் ணெய் சேர்த்து சூடாகப் பரிமாறவும்.

சாக்கோ பிஸ்

தேவையான பொருள்கள்: பிரட் (ஸ்வீட்)- 6 துண்டுகள், பொடித்த சர்க்கரை - 1/2 கப், கோகோ பவுடர் - 2 டீஸ்பூன், போர்ன்விடா/பூஸ்ட் - 2 டீஸ்பூன், ஃபிரஷ் க்ரீம்-1 கப், பாதாம், பிஸ்தா - தலா 6 (துருவியது)

செய்முறை:

* பிரட்டை, நன்றாகப் பொடித்து ஒரு பெரிய பாத்திரம்/கிளாஸ் பௌலில் பிரட் தூள்களைப் போடவும்.

* அதில் பொடித்த சர்க்கரை, கோகோ பவுடர், போர்ன்விடா, பிரஷ் க்ரீம் சேர்த்து நன்றாகக் கலக்கவும்.

* நன்றாகக் கலக்கியதும், ஃப்ரிட்ஜில் வைத்து இரண்டு மணி நேரம் கழித்து, துருவிய பாதாம், பிஸ்தா சேர்த்து அலங்கரித்துப் பரிமாறவும்.

* கேக்-இன் சுவையைத் தோற்கடிக்கும், எளிதான, சுவையான, சத்தான சாக்கோபிஸ்.